سندھ کے وزیراعلیٰ سید مراد علی شاہ نے سندھ کے بارش سے متاثرہ علاقوں میں امدادی کام کیلئے ستر کروڑ روپے گرانٹ کی منظوری دی ہے ۔
انہوں نے اس رقم کی منظوری آج کراچی میں صوبے کے بارش سے متاثرہ تمام ضلعوں میں امدادی کام کے بارے میں ایک اجلاس میں دی ۔اس موقع پر اظہار خیال کرتے ہوئے وزیراعلیٰ نے متعلقہ افسران کو ہدایت دی کہ بارش سے متاثرہ علاقوں میں خوراک ، مچھر دانیاں ، خیموں کی فراہمی اور جانوروں کے چارے کی تقسیم جیسے مناسب اقدامات کئے جائیں۔