آزاد جموں وکشمیر کے وزیراعظم راجہ فاروق حیدر خان نے کہا ہے کہ راولا کوٹ کو سیاحت کا مرکز بنایا جائے گا۔
چیئرمین پرل ڈویلپمنٹ اتھارٹی راولاکوٹ سے آج اسلام آباد میں باتیں کرتے ہوئے انہوں نے کہا کہ حکومت راولاکوٹ کی ترقی اورتزئین وآرائش کیلئے تمام دستیاب وسائل فراہم کرے گی۔
انہوں نے کہا کہ اس وقت پونچھ ڈویژن میں لوگوں کی معاشی حالت بہتر بنانے کیلئے ترقیاتی منصوبوں پر تقریباً چھ ارب روپے خرچ کئے جا رہے ہیں۔
وزیراعظم نے کہا کہ سیاحتی مقامات تک جانے والی سڑکوں پر کام تیزی سے جاری ہے۔