خیبرپختونخوا میں چین پاکستان اقتصادی راہداری کے تحت سکھی کیناری پن بجلی منصوبے کا تعمیراتی کام جاری ہے۔خیبرپختونخوا کے توانائی کے ترقیاتی ادارے کے ترجمان نے ریڈیوپاکستان کے پشاور کے نمائندے کو بتایا کہ چینی کمپنی دریائے کنہاڑ پر بجلی گھر تعمیر کررہی ہے ۔یہ منصوبہ تقریباً دو ارب ڈالر کی لاگت سے 2022ء کے آخر تک مکمل ہوگا ۔اس بجلی گھر سے آٹھ سو ستر میگاواٹ بجلی پیدا ہوگی ۔ترجمان نے کہاکہ خیبرپختونخوا حکومت کو اس منصوبے سے سالانہ ایک ارب تیس کروڑ روپے آمدن ہوگی۔