سرمایہ کاری بورڈ کے چیئرمین ہارون شریف نے کہا ہے کہ متحدہ عرب امارات کے سرمایہ کاروں نے پاکستان کے سیاحت کے شعبے میں سرمایہ کاری میں دلچسپی ظاہر کی ہے۔

آج اسلام آباد میں مبادلہ پٹرولیم کے چیف ایگزیکٹو افسر مصباح الکبی سے گفتگو کرتے ہوئے انہوں نے کہا کہ متحدہ عرب امارات کے سرمایہ کار جلد پاکستان کا دورہ کریں گے۔

 اس موقع پر مبادلہ پٹرولیم کے چیف ایگزیکٹو افسر نے اظہارخیال کرتے ہوئے کہا کہ متحدہ عرب امارات میں مہم جوئی کی سیاحت فروغ پارہی ہے اور پاکستان میں ایسی سیاحت کےلئے بہترین مواقع موجود ہیں۔