سندھ کے گورنر عمران اسماعیل نے کہا ہے کہ کراچی میں پاکستان سپر لیگ کے میچوں کے انعقاد سے پاکستان سے متعلق تاثر کو مزید مثبت بنانے میں مدد ملے گی۔
وہ آ ج کراچی میں پشاور زلمی کے کپتان ڈیرن سیمی اور فرنچائز کے مالک جاوید آفریدی کے ہمراہ صحافیوں سے گفتگو کررہےتھے۔
گورنر نے کہا کہ پاکستان سپر لیگ کے تمام غیرملکی کھلاڑی اپنے اپنے ملکوں کے سفیر ہیں اور امید ہے کہ وہ اچھی یادیں اور یہاں گزرے وقت کے اچھے تاثرات ساتھ لے کر واپس جائیں گے۔
اس موقع پر اظہار خیال کرتے ہوئے پشاو ر زلمی کے کپتان ڈیرن سیمی نےکہا کہ انہیں ہمیشہ کرکٹ کھیلنے کےلئے پاکستان آنے پر خوشی ہوتی ہے۔
