صدر ڈاکٹر عارف علوی نے کہا ہے کہ گلگت بلتستان کو قومی دھارے میں شامل کرنے کیلئے اقدامات کیے جارہے ہیں اورفور جی انٹرنیٹ کی سہولت فراہم کرنے کیلئے فنڈز جلد مہیا کیے جائیں گے۔
جمعرات کے روز اسلام آباد میں جی بی قانون ساز اسمبلی کے نومنتخب اراکین سے گفتگو کرتے ہوئے انہوں نے کہاکہ یہ علاقہ بے پناہ قدرتی حسن کا مالک ہے اور یہاں سیاحت کے فروغ کیلئے اقدامات کرنے کی ضرورت ہے۔صدر نے کہا کہ آن لائن تعلیم کے حصول میں مشکلات دور کرنے کیلئے بنیادی انفراسٹرکچر جلد تعمیر کیا جائے گا۔انہوں نے کہاکہ چین پاکستان اقتصادی راہداری سے علاقائی تجارت اور گوادر بندرگاہ کے مثبت اثرات سے جی بی کی معیشت کو فائدہ پہنچے گا۔انہوں نے کہاکہ قراقرم ہائی وے کی استعداد کار بڑھانے سے تجارت کو فروغ حاصل ہوگا۔انہوں نے کہا کہ گلگت بلتستان کی خوشحالی کیلئے تعلیم اور صحت کے شعبوں میں ترقی ناگزیر ہے۔