گلگت بلتستان کے وزیراعلی حافظ حفیظ الرحمن نے کہا ہے کہ ناردرن ایریاز ٹرانسپورٹ کارپوریشن کو مزید مضبوط بنانے کی کوششیں جاری ہیں۔

اسلام آباد میں ملاقات کیلئے آئے نیٹکو یونین کے وفد سے گفتگو کرتے ہوئے انہوں نے کہا کہ کارپوریشن میں کام کرنے والے ہزاروں ملازمین کے تحفظ کے لئے سروس کا نیا ڈھانچہ متعارف کرایا جارہا ہے۔

انہوں نے کہا کہ نیٹکو شمالی علاقہ جات میں سیاحت کے فروغ کیلئے بھی موثر اقدامات کررہی ہے۔