وزیر اطلاعات فواد چودھری نے اس یقین کا اظہار کیا ہے کہ ملک میں غیر ملکی سرمایہ کاری سے روزگار کے مواقع بڑھیں گے۔ دبئی میں امریکہ کی ممتاز خوراک و مشروبات کی ملٹی نیشنل کمپنی کی سینئر نائب صدر Krista Pilot سے گفتگوکرتے ہوئے انہوں نے کہا کہ وزیراعظم عمران خان کے نصب العین پالیسیوں اور اصلاحاتی ایجنڈے کے ثمرات جلد ملک میں نظر آئیں گے۔ کرسٹا پائلٹ نے کہا کہ ان کی کمپنی خوراک کے شعبے میں ایک ارب ڈالر کی سرمایہ کاری کرنے میں دلچسپی رکھتی ہے۔وزیر اطلاعات نے کمپنی کی پاکستان میں سرمایہ کاری کا خیرمقدم کیا۔