Saturday, 23 February 2019, 05:16:49 am
حکومت بائیس فروری سے صوبے کے چھتیس اضلاع میں صحت کارڈ متعارف کرا رہی ہے، وزیرصحت پنجاب
February 11, 2019

پنجاب کی وزیر صحت ڈاکٹر یاسمین راشد نے کہا ہے کہ حکومت اس ماہ کی بائیس تاریخ سے صوبے کے چھتیس اضلاع میں صحت کارڈ متعارف کرا رہی ہے۔

انہوں نے پیر کے روز لاہور میں ایک نیوز کانفرنس سے خطاب کرتے ہوئے کہا کہ اس سکیم سے 72 لاکھ افراد مستفید ہوں گے۔

انہوں نے کہاکہ صحت کارڈ میں سات لاکھ بیس ہزار روپے کے طبی علاج کی سہولت موجود ہے۔

صوبائی وزیر نے کہاکہ پہلے مرحلے میں راجن پور سے یہ کارڈ متعارف کرایا جارہا ہے۔

انہوں نے کہا کہ دور دراز اور پسماندہ علاقوں میں رہنے والے افراد صحت کارڈ سے مساوی سہولتیں حاصل کرسکیں گے ۔ انہوں نے اس عزم کا اظہار کیا کہ موجودہ سال کے دوران صوبے کے تمام اضلاع میں صحت کارڈ فراہم کئے جائیں گے۔