پاکستان سپر لیگ کے تیسرے ایڈیشن کے فائنل میچ کے سکیورٹی پلان کا جائزہ لینے کےلئے اتوار کے روز نیشنل سٹیڈیم کراچی میں سکیورٹی کی فل ڈریس ریہرسل کی گئی فائنل آئندہ ماہ کی پچیس تاریخ کو کھیلا جائے گا۔

ریہرسل کے دوران پولیس اور رینجرز اہلکاروں کی بھاری نفری سٹیڈیم کے گرد تعینات تھی۔

سٹیڈیم کی طرف جانے والی تمام سڑکیں، گاڑیوں کی آمدورفت کے لئے بند تھیں۔

اس موقع پر عالمی سکیورٹی ماہرین اور Reg Dickasan بھی موجود تھے جو بین الاقوامی کرکٹ کونسل اور فیڈریشن آف انٹر نیشنل کرکٹ ایسوسی ایشن سے منسلک ہیں وہ اس موقع پر کئے گئے حفاظتی اقدامات سے متعلق رپورٹ بھی آئی سی سی کو پیش کریں گے۔

تیسری پاکستان سپر لیگ اس ماہ کی بائیس تاریخ سے شروع ہوگی۔

ٹورنامنٹ کے تمام لیگ میچ دبئی اورشارجہ میں کھیلے جائیں گے جبکہ دو پلے آف میچ لاہور میں اورفائنل کراچی میں کھیلا جائے گا۔