Tuesday, 25 June 2019, 12:51:31 am
پاکستان آئی ایم ایف سے رجوع کیے بغیر معیشت کی صورتحال بہتر بنا سکتا ہے، وزیر خزانہ
January 11, 2019

وزیرخزانہ اسدعمرنے کہاہے کہ پاکستان قرض کے لئے عالمی مالیاتی فنڈ سے رجوع کئے بغیر اپنے مالیاتی خسارے میں کمی اورمعیشت کی صورتحال کو بہتربناسکتاہے۔

انہوں نے ایک نجی نیوزچینل سے گفتگوکرتے ہوئے کہاکہ پاکستان کے لئے سعودی عرب کامالیاتی پیکج غیرمشروط اور تین فیصد کی انتہائی کم شرح منافع پرہے۔

وزیرخزانہ نے کہاکہ گزشتہ ماہ ملکی برآمدات کے حجم میں واضح اضافہ دیکھاگیا۔

ایک سوال پرانہوں نے کہاکہ حکومت کم آمدنی والے افراد کے لئے بجلی اورگیس کے نرخوں میں اضافہ نہیں کرے گی۔