وزیراطلاعات چوہدری فواد حسین نے حزب اختلاف پرزوردیا ہے کہ وہ اپنی سیاست کی خاطر قابل اعتماد اداروں شوکت خانم ہسپتال اورنمل یونیورسٹی کو متنازعہ نہ بنائیں۔وہ پاکستان مسلم لیگ نون کی رہنما مریم اورنگزیب کے ٹویٹ پیغام پرردعمل ظاہر کررہے تھے جس میں انہوں نے وزیراعظم کی ہمشیرہ علیمہ خان پر وزیراعظم کی بے نامدار ہونے کا الزام لگایا ۔وزیراطلاعات نے واضح کہاکہ علیمہ خان نہ تو کبھی وزیراعظم رہیں اور نہ ہی وہ کوئی سرکاری عہدہ رکھتی ہیں اور انہوں نے اپنی تمام جائیداد کی وضاحت کی ہے ۔وفاقی وزیر نے افسوس کااظہار کیاکہ مریم اورنگزیب کی سیاست اب بے بنیاد کہانیوں کوجوڑنے تک محدود ہوکر رہ گئی ہے ۔