امریکی وزیرخارجہ مائیک پومپیو نے کہا ہے کہ امریکہ عرب ملکوں کے ساتھ ایک نئے سیکورٹی اتحاد کے قیام کے منصوبے پرعمل کررہا ہے جس کا مقصد مشرق وسطی میں ایرانی اثرورسوخ کوکم کرنا ہے ۔امریکن یونیورسٹی آف کائرو میں اپنے خطاب کے دوران انہوں نے شام میں امن واستحکام کیلئے کوششیں تیز کرنے کی ضرورت پر زوردیا ہے ۔پومپیو نے کہاکہ مشرق وسطی ، سٹرٹیجک الائنس ، مصر، اردن اور خلیج تعاون کونسل کے ملکوں کو ایک دوسرے کے قریب لائے گا ۔اس سے قبل مائیک پومپیو نے مصر کے صدر عبدالفتح السیسی اور وزیرخارجہ SAMEH SHOUKRY سے ملاقات کی جس کا مقصد شام سے امریکی فوجیوں کے انخلاء سے متعلق امریکی منصوبے کے بارے میں اس کے اتحادیوں کو یقین دہانی کرانا تھی ۔