پنجاب کے وزیر اعلی محمدشہباز شریف نے کہا ہے کہ قصور میں کمسن بچی کے قتل کے واقعے کی تحقیقات کیلئے اعلی سطح کی مشترکہ تحقیقاتی ٹیم تشکیل دے دی گئی ہے۔یہ ٹیم سول اور عسکری اداروں کے ارکان پرمشتمل ہے۔وزیراعلی نے قصور میں متاثرہ خاندان سے ملاقات کے بعد واپس لاہور پہنچنے پر ایک بیان میں کہاکہ مظاہرین پر بلاوجہ فائرنگ کرنے والے پولیس اہلکاروں کیخلاف بھی قانونی کارروائی ہوگی۔اس سے پہلے وزیراعلی قصور میں کمسن مقتول بچی زینب کے گھر گئے اورمتاثرہ خاندان سے اس سانحہ پرگہرے دکھ اورافسوس کااظہار کیا۔