وزیراعظم عمران خان نے تمام وزارتوں کو موثر حکمت عملی کے ذریعے گزشتہ سو روز کے دوران طے کئے گئے اہداف کے حصول کو یقینی بنانے کی ہدایت کی ہے۔
انہوں نے پیر کے روز اسلام آباد میں وفاقی کابینہ کے خصوصی اجلاس کی صدارت کرتے ہوئے کہا کہ نئے پاکستان کی بنیاد رکھ دی گئی ہے۔
نو گھنٹے تک جاری رہنے والے اجلاس میں 26 وزارتوں کی کارکردگی کا جائزہ لیا گیا جبکہ باقی وزارتوں کی کارکردگی کا جائزہ بعد میں لیا جائے گا۔
کابینہ نے ہر تین ماہ بعد وزارتوں کی کارکردگی کا جائزہ لینے کا فیصلہ کیا ہے۔