Wednesday, 12 December 2018, 09:46:33 am
سید مراد علی شاہ کا صوبے میں صاف ستھرے ماحول کی فراہمی پر زور
November 10, 2018

سندھ کے وزیراعلی سید مراد علی شاہ نے صوبے میں صحت مندانہ اور صاف ستھرے ماحول کی فراہمی کی ضرورت پر زوردیا ہے ۔

وہ ہفتے کے روز کراچی میں صوبائی کابینہ کے اجلاس کی صدارت کررہے تھے ۔

کابینہ نے پلاسٹک کے لفافوں کے استعمال پرپابندی، گداگری پرقابوپانے کی قانونی حیثیت ، چائلڈ پرویکشن اتھارٹی سے متعلق ریگولیشنز علیل قیدیوں سے متعلق انسانی حقوق کے معاملے ، سندھ پولیس کی تقرریوں اور تبادلوں کے قواعدوضوابط اور پرتعیش گاڑیوں کے استعمال سمیت متعدد امور پر غورکیا۔

کابینہ نے پہلے مرحلے میں ضلع سکھر میں پلاسٹک کے لفافوں پرپابندی لگانے کی منظوری دی جسے بعد میں کراچی اور حیدرآباد تک توسیع دی جائے گی ۔

کابینہ نے سندھ چائلڈ پروٹیکشن ایکٹ اور گورنر ، وزیراعلی ، صوبائی اسمبلی کے سپیکر، وزیرداخلہ، سندھ ہائی کورٹ کے چیف جسٹس ، چیف سیکرٹری ، انسپکٹر جنرل سندھ اور دو ایڈیشنل انسپکٹر جنرلز کیلئے بلٹ پروف گاڑیوں کے استعمال کی بھی منظوری دی ۔