سکھ برادری نے کرتارپور راہداری کھولنے اور ان کے مقدس مقامات کی زیارت کیلئے بھارت سے لوگوں کو بغیر ویزا آمد کی اجازت دینے پر پاکستان کی تعریف کی ہے۔
ریڈیو پاکستان کے خبروں اور حالات حاضرہ کے چینل سے گفتگو کرتے ہوئے امریکہ میں مقیم سکھ تاجرجتندر سنگھ رندھاوا نے کرتار پور میں گوردوارے کے پرانے ڈھانچے کے تحفظ جبکہ تعمیراتی اور توسیعی کام کرانے پر حکومت پاکستان کوسراہا۔انہوں نے کہاکہ تقریباً دس لاکھ سکھ امریکہ میں رہائش پذیر ہیں اور وہ سب وزیراعظم عمران خان کی طرف سے کئے گئے اقدامات پرخوش ہیں۔انہوں نے کہاکہ امریکہ سے متعددافرادراہداری کے افتتاحی روز کرتارپورکادورہ کرنے کی منصوبہ بندی کررہے ہیں۔ادھرباباگورونانک ویلفیئرسوسائٹی پاکستان کے چیئرمین سردار بشن سنگھ نے کہا ہے کہ راہداری کھلنے سے بھارت سے پانچ ہزارسکھ یاتری پاکستان میں کرتارپورمقبرہ کی یاتراکرسکیں گے۔(این این آر، وہاج بشیر)