پنجاب حکومت نے نیشنل کمانڈ اینڈ آپریشن کی سفارشات کی پیروی کرتے ہوئے کورونا وباء کے پھیلائو کے باعث پندرہ منتخب اضلاع میں لاک ڈائون میں توسیع کر دی ہے۔
آج لاہور میں ابتدائی اور اوثانوی حفظانِ صحت کے محکمے کی جانب سے جاری کردہ ایک اعلامیہ کے مطابق پندرہ شدید حساس اضلاع میں رواں ماہ کی پندرہ تاریخ تک لاک ڈائون نافذ رہے گا۔ان پندرہ شدید حساس اضلاع میں لاہور، راولپنڈی، فیصل آباد، ملتان، خانیوال، میانوالی، سرگودھا، خوشاب، شیخوپورہ، بہاولپور، گوجرانوالہ، رحیم یار خان، گجرات، سیالکوٹ اور بکھر شامل ہیں۔