وزیراعلیٰ پنجاب سردار عثمان بزدار کی زیر صدارت جمعرات کے روز لاہور میں اعلیٰ سطح کا اجلاس ہوا۔اجلاس میں مقامی حکومتوں کے نئے نظام پر تفصیلی غور کیا گیا۔اس موقع پر اظہار خیال کرتے ہوئے وزیراعلیٰ نے کہا کہ مقامی حکومتوں کے نظام سے نچلی سطح تک لوگ با اختیار ہوں گے۔انہوں نے کہا کہ پنجاب حکومت نے مقامی حکومتوں کے منجمد فنڈز بحال کر دیئے ہیں اور ان کی تقسیم میں شفافیت کو یقینی بنایا جائے گا۔