گلگت بلتستان کی محکمہ جاتی ورکنگ پارٹی نے دیامر میں لڑکیوں کے 70 سکولوں کے قیام کی منظوری دی ہے۔
یہ منظوری آج گلگت میں محکمہ جاتی ورکنگ پارٹی کے اجلاس میں دی گئی جس کا اجلاس سیکرٹری منصوبہ بندی و ترقی بابر امان بابر کی زیر صدارت ہوا۔
منظور کی جانے والی سکیموں میں داریل اور تانگیرمیں 50 ہوم سکول اور دونوں سب ڈویژنوں کے مختلف دیہات میں 20 پرائمری سکول شامل ہیں۔
اجلاس میں فیصلہ کیاگیا کہ لڑکیوں کی تعلیم پر کوئی سمجھوتہ نہیں کیا جائے گا جبکہ محکمہ تعلیم کو منظور کئے گئے منصوبوں پر بلا تاخیر عملدرآمد کی ہدایت کی گئی ہے۔