پنجاب کے وزیراعلیٰ سردار عثمان بزدار نے کہا ہے کہ صنعتی شعبے کی ترقی کیلئے صوبے میں دس ہزار ایکڑ رقبے پر نو صنعتی مراکز قائم کئے جائیں گے۔
ایک بیان میں انہوں نے کہا کہ اس سلسلے میں خصوصی اقتصادی زونز کے قیام کیلئے ضروری اقدامات کئے جارہے ہیں۔ انہوں نے کہا کہ سمال انڈسٹریل اسٹیٹ کے قیام کیلئے گوجرانوالہ میں ڈیڑھ سو ایکڑ اور وزیر آباد میں تریسٹھ ایکڑ اراضی فراہم کی گئی ہے۔ وزیراعلیٰ نے کہا کہ صوبے میں چھ غیر ملکی کمپنیوں کی سرمایہ کاری کے باعث چھ ہزار افراد کیلئے روزگار کے مواقع پیدا ہوں گے۔
