ممتاز تجزیہ کاروں نے کہا ہے کہ شنگھائی تعاون تنظیم علاقائی تنازعات حل کرنے کا ایک اہم پلیٹ فارم ہے اور اسے اس مقصد کے لئے موثر انداز میں استعمال کیا جانا چاہئے۔ریڈیو پاکستان کے خبروں اور حالات حاضرہ کے چینل سے گفتگو کرتے ہوئے انہوں نے کہا کہ بھارتی وزیراعظم اپنے ملک کو علاقائی طاقت بنانے کے لئے شنگھائی تعاون تنظیم کے پلیٹ فارم کو ہائی جیک کرنا چاہتے ہیں۔ انہوں نے کہا کہ پاکستان کو بھارت کا مقابلہ کرنے کے لئے سفارتی اور پس پردہ سفارتی چینلز استعمال کرنے چاہئیں۔انہوں نے کہا کہ پاکستان کے چین، روس اور دوسرے وسطی ایشیائی ملکوں کے ساتھ روابط ہیں۔تجزیہ کاروں میں ڈاکٹر حیدر زیدی، پروفیسر غلام مصطفی خان اور ڈاکٹر فاروق حسنات شامل تھے۔