واشنگٹن میں پاکستانی سفارت خانے نے ایک ویبینار کی میزبانی کی جس کا موضوع تھا لاہور کی تاریخ' ثقافت اور کھانے ایک آن لائن سیاحت امریکہ میں پاکستان کے سفیر ڈاکٹر اسد مجید خان نے ویبی نار سے خطاب کرتے ہوئے کہاکہ ویبی نار کا مقصد پاکستان میں سیاحت کو فروغ دینا اورا مریکہ میں مقیم پاکستانی نژاد امریکیوں کی نوجوان نسل کو پاکستانی ثقافت سے روشناس کرانا ہے ۔اس موقع پر لاہور والڈ سٹی اتھارٹی کے ڈائریکٹر جنرل کامران لاشاری نے کہاکہ لاہور پاکستان کا ثقافتی دارالحکومت ہے ۔اس موقع پر پاکستان خصوصاً لاہور کی ثقافت سے متعلق ویڈیوز بھی دکھائی گئیں۔