اقوام متحدہ میں پاکستان کے مستقل مندوب منیراکرم نے کہا ہے کہ عالمی برادری کورونا ویکسین کی تیاری اور تقسیم میں قومیت سے اجتناب کرے۔انہوں نے یہ بات ایک آن لائن بریفنگ سے خطاب کرتے ہوئے کہی جس کا مقصد ان ترجیحی اقدامات کو اجاگر کرنا ہے جن کی دنیا کو'کو رونا وائرس کی مہلک وباء سے جلد چھٹکارے کیلئے ضرورت ہے۔انہوں نے کہاکہ ویکسین کی تیاری اور یکساں تقسیم ناگزیر ہے اور غیر مساویانہ طرز عمل مہلک وباء سے بازیابی کیلئے سست روی کا شکار ہوگا جس نے دنیا کو گھٹنے ٹیکنے پر مجبور کردیا ہے۔انہوں نے کہاکہ درست تعاون کی صورت میں نائیجریا ' جنوبی افریقہ اورکینیا ویکسین تیارکرسکتے ہیں اوراس طرح افریقہ میں ویکسین تک رسائی ممکن ہے ۔