وفاقی حکومت نے چھوٹے اور درمیانے درجے کے کاروبار کے ادارے سمیڈا کے تعاون سے کامیاب جوان پروگرام شروع کرنے کا منصوبہ بنایا ہے۔اس پروگرام کا مقصد چھوٹے اور درمیانے کاروبار کے شعبے کے ذریعے روزگار کے ایک کروڑ مواقع پیدا کرنا ہے جس سے نوجوان معاشی طور پر خودمختار ہوں گے۔نوجوانوں کے امور کے ادارے کے ایک عہدیدار نے کہا کہ اس پروگرام میں سمیڈا مقامی اور بین الاقوامی منڈی میں کاروبار کے بہترین مواقع تلاش کرے گا۔انہوں نے کہا کہ نوجوانوں کو تکنیکی اور فنی تعلیم کی بہتری کیلئے وزیراعظم کا نوجوانوں کے امور کا شعبہ اپنا مکمل تعاون فراہم کرے گا۔