مقبوضہ کشمیرمیں حریت فورم کےچیئرمین میر واعظ عمر فاروق نے ضلع کلگام میں بھارتی فوج کے ہاتھوں بیس سالہ نوجوان خالد احمد ڈار کی شہادت کے واقعہ کی شدید مذمت کی ہے۔سری نگر سے ایک بیان میں انہوں نے کہاکہ جو لوگ بھارتی فوج کی تلاشی کی کارروائیوں کے خلاف احتجاج کرتے ہیں ان کےخلاف بہیمانہ طاقت اور چھرے والی بندوق کا استعمال کیا جاتا ہے۔
ادھرحریت فورم نےضلع اسلام آباد اوربڈ گام میں بھارتی فوج کے ہاتھوں شہید ہونے والے تین نوجوان کوخراج عقیدت پیش کرتے ہوئے کہا کہ کشمیری نوجوان ایک بڑے نصب العین کے حصول کے لئے اپنی جانوں کا نذرانہ پیش کررہے ہیں اور ان کی یہ قربانیاں آزادی کی جدوجہد کے لئے عظیم سرمایہ ہے۔ فورم نے کہاکہ اب یہ عوام اور رہنماوں کی مشترکہ ذمہ داری ہے کہ ان قربانیوں کو رائیگاں نہ جانے دیں۔