سندھ کے گورنر محمد زبیر نے کہا ہے کہ اعلیٰ تعلیم کی سہولیات فراہم کرنا حکومت کی اولین ترجیح ہے۔ہفتہ کے روز کراچی میں اسناد تقسیم کرنے کی ایک تقریب سے خطاب میں انہوں نے کہا کہ معاشرے کی ترقی کے لئے اعلیٰ تعلیم لازمی ہے۔گورنر نے کہا کہ یونیورسٹیوں میں تحقیقی سرگرمیوں کا فروغ وقت کی ضرورت ہے۔انہوں نے صوبے میں تعلیم کے فروغ کے سلسلے میں نجی تعلیمی اداروں کے کردار کو سراہا۔سندھ کے گورنر نے اس موقع پر 850 طالب علموں میں اسناد اور سونے کے میڈل تقسیم کئے۔