اطلاعات ونشریات کے بارے میں وزیراعظم کی معاون خصوصی فردوس عاشق اعوان نے کہا ہے کہ وزیراعظم عمران خان نے پاکستان کو فلسفی شاعر علامہ اقبال کے تصورات کے مطابق ریاست بنانے کا پختہ عزم کررکھا ہے ۔
آج (ہفتہ) متعدد ٹویٹس میں انہوں نے کہاکہ پاکستان قائداعظم اورعلامہ اقبال کے نظریے کی روشنی میں اقلیتوں کے حقوق کا ضامن ہے اور انھیں احترام دیتا ہے ۔انہوں نے کہاکہ پاکستان کی جانب سے آج کرتار پور راہداری کا افتتاح بین المذاہب ہم آہنگی ، روادری اورانسانیت کے احترام کی عظیم مثال ہے ۔علامہ اقبال کو ان کے یوم ولادت پرخراج عقیدت پیش کرتے ہوئے معاون خصوصی نے کہاکہ فلسفی شاعر کا عالمیگر پیغام ہم سب کیلئے مشعل راہ ہے ۔انہوں نے کہاکہ یہ علامہ اقبال کا ہی نظریہ تھا جس کی روشنی میں برصغیر کے مسلمانوں نے سامراجی نظام اور ظلم وجبر سے نجات حاصل کی ۔(این این آر، وہاج بشیر)