قومی اسمبلی کو آج بتایا گیا کہ سپریم کورٹ آف پاکستان اور وزیراعظم کے ڈیم فنڈز میں اب تک سات ارب 50 کروڑ روپے جمع ہوئے ہیں۔

 محصولات کے وزیر مملکت حماد اظہر نے آج ایوان کو بتایا کہ اس رقم میں سے 80 کروڑ 40 لاکھ روپے بین الاقوامی ذرائع سے حاصل ہوئے ہیں۔

 ایک تحریری جواب میں ایوان کو بتایا گیا کہ وزارت تجارت، تجارت سے متعلقہ سرمایہ کاری پالیسی لائحہ عمل 23-2018 مرتب کررہی ہے تاکہ سرمایہ کاری کو برآمدات پر مبنی صنعت سے منسلک کیا جاسکے۔پالیسی میں جوتوں اور بیگ، ٹیکسٹائل اور گرم ملبوسات ، ایلومینیم کی چادریں، سٹیل کی تیاری کی اعلیٰ ٹیکنالوجی،کھانے پینے سے متعلق اشیا آئل ریفائنری، پیٹرو کیمیکل،انفارمیشن ٹیکنالوجی اور الیکٹرانکس اشیا سے متعلق شعبوں پر توجہ مرکوز کی جائے گی۔

وزیر اطلاعات چودھری فواد حسین نےکہاکہ حکومت نے ملک میں ذرائع ابلاغ کو بےمثال آزادی ہے۔

 قومی اسمبلی میں اظہار خیال کرتے ہوئے  انہوں نے کہا کہ قانون ہر ایک کے لئے یکساں ہے اور اس پر عمل کیا جائے گا

 ایوان کا اجلاس غیر معینہ مدت کے لئے ملتوی کردیا گیا۔