عالمی مالیاتی فنڈ نے دوہزاراٹھارہ اورانیس کے لئے عالمی اقتصادی شرح نمو کو تین اعشاریہ نو فیصد سے کم کرکے تین اعشاریہ سات فیصد کرنے کافیصلہ کیاہے۔نیاجائزہ آج انڈونیشیا کے جزیرے بالی میں جاری کیاگیا جہاں عالمی مالیاتی فنڈ اور عالمی بنک کا سالانہ اجلاس جاری ہے۔بیان میں کہاگیا کہ تجارتی پالیسی کے مسائل اوردرآمدات پرمحصولات عائد کرنے کے باعث تجارت متاثر ہورہی ہے جبکہ ابھرتی ہوئی منڈیاں سخت مالیاتی حالات اورسرمائے کی کمی کے باعث مشکلات کاشکار ہیں۔