فائل فوٹو
پنجاب کے گورنر چودھری محمد سرورنے کہا ہے کہ خواتین کے خلاف تشدد اور جنسی ہراسگی کے سدباب کے لئے صوبے کی جامعات میں ایک آگہی مہم شروع کی جائے گی۔
آج(جمعرات ) لاہور میں صوبائی اسمبلی کی رکن عظمیٰ کاردار کی سربراہی میں وویمن پیس کونسل کے ایک وفد سے گفتگو کرتے ہوئے انہوں نے کہا کہ تحریک انصاف کی حکومت خواتین کے تحفظ اور احترام پر سمجھوتہ نہیں کرے گی۔انہوں نے خواتین کے خلاف جنسی ہراسگی کے واقعات کو قوم اور ملک کے لئے کینسر قرار دیا۔انہوں نے کہا کہ ایسے جرائم میں ملوث ملزمان کو کوئی رعایت نہیں دی جائے گی اور انہیں قانون او ر آئین کے مطابق سزادی جائے گی۔