صنعت اور پیداوار کے وزیر خسرو بختیار نے کہا ہے کہ ملک میں چھوٹے اور درمیانے درجے کے کاروبار میں اضافے کےلئے جدید خطوط پر اقدامات کئے جارہے ہیں۔
انہوںنے یہ بات آج کراچی میں گورنر سندھ عمران اسماعیل سے ملاقات میں کہی۔دونوں رہنمائوں نے صنعتی زونز کی تعمیر و ترقی، پاکستان سٹیل ملز کے مسائل اور باہمی مفاد کے معاملات پر بات چیت کی۔خسرو بختیار نے کہا کہ چھوٹے اور درمیانے درجے کے اداروں کی نئی پالیسی کے نتیجے میں ملک میں کاروبار میں اضافہ ہوگا۔ انہوں نے کہاکہ صنعتی شعبے سے منسلک کاروباری برادری کو تمام ممکنہ سہولیات فراہم کی جارہی ہیں۔