اقوام متحدہ میں فلسطینی سفیر ریاض منصور نے عالمی برادر ی پر زور دیا ہے کہ وہ غزہ میں اسرائیلی مظالم سے بے گناہ لوگوں کوبچانے کیلئے اپنی ذمہ داریاں پوری کرے۔ غزہ کی صورتحال کے بارے میں اقوام متحدہ کی سلامتی کونسل کے ہنگامی اجلاس سے ویڈیو لنک کے ذریعے خطاب کرتے ہوئے انہوں نے غزہ میں اسرائیل کی جارحیت کی مذمت کی۔ انہوں نے کہا کہ غزہ پر حالیہ اسرائیلی حملوں میں پندرہ بچوں سمیت چوالیس فلسطینی شہید اور سینکڑوں افراد زخمی ہوئے۔