بلوچستان کے ضلع ڈیرہ بگٹی میں غیرآبادتیس ہزارایکڑاراضی سیراب کرنے کے لئے کچھی کینال کی توسیع کاتعمیراتی کام آئندہ سال اگست تک مکمل کرلیاجائے گا۔یہ بات واپڈاکے چیئرمین مزمل حسین نے منصوبے کے علاقے کے دورے کے دوران کہی۔چیئرمین نے کہاکہ واپڈازراعت کے لئے پانی کی دستیابی کے لئے اپنے منصوبے مکمل کرکے پاکستان کوسرسبزوخوشحال بنانے کے لئے پُرعزم ہے۔کچھی کینال کی توسیع انیس ارب روپے کی لاگت سے تین مختلف معاہدوں کے ذریعے مکمل کی جارہی ہے۔