پٹرولیم کے بارے میں وزیراعظم کے معاون خصوصی ندیم بابر نے کہا ہے کہ حکومت نے کرونا وبا کے باعث مسائل کے باوجود توانائی کے شعبے میں اصلاحات کیلئے نمایاں پیش رفت کی ہے۔انہوں نے ان خیالات کااظہار منیلا میں ایشیائی ترقیاتی بینک کی ٹیم کے ساتھ ایک آن لائن اجلاس میں کیا۔معاون خصوصی نے بتایا کہ حکومت نے پٹرولیم کے شعبے کی بہتری کیلئے ریگولیٹری اتھارٹی کا فریم ورک تیار کیاہے اور مشترکہ مفادات کونسل کی منظوری اور ضروری قانون سازی کے بعد اس پر عملدرآمد شروع کر دیا جائے گا۔ایشیائی ترقیاتی بینک کے کنٹری ڈائریکٹرنے توانائی کے شعبے میں اصلاحات کیلئے حکومت پاکستان کی کوششوں کی تعریف کی۔