حکومت نے بعض اخبارات میں شائع کردہ اس خبرکی تردید کی ہے کہ قرضہ جاتی تخمینوں میں کوئی کٹوتی کی گئی ہے۔
حکومت کی جانب سے وضاحت میں کہاگیاہے کہ رواںمالی سال کے بجٹ میں اقتصادی امورڈویژن نے قرض دینے والے مختلف بیرونی اداروں کی جانب سے چارارب انہترکروڑڈالرسے زائد کی امدادکاتخمینہ لگایاتھا۔تاہم بیرونی صورتحال میں بہتری کے نتیجے میں اقتصادی امورڈویژن نے بیرونی امداد کی وصولی کاتخمینہ پانچ ارب تریسٹھ کروڑ ڈالرظاہرکیاہے جوپہلے تخمینے سے بیس فیصدزائدہے۔
