پنجاب کے وزیراعلیٰ عثمان بزدار مری میں موجود ہیں اور انہوں نے بارش اور برفباری سے متاثرہ مختلف علاقوں کا فضائی دورہ کرکے امداد اور بچائو کے کاموں کا جائزہ لیا ہے۔
اس موقع پر ریلیف کمشنر اور ریونیو بورڈ کے سینئر رکن نے وزیراعلیٰ کو امداد اور بچائو کے کاموں کے بارے میں بریفنگ دی۔پنجاب کے وزیر قانون محمد بشارت راجہ، اطلاعات اور خصوصی اقدامات کے بارے میں وزیراعلیٰ کے معاون خصوصی حسان خاور، چیف سیکرٹری، پنجاب پولیس کے انسپکٹر جنرل اور دوسرے حکام بھی اس موقع پر موجود تھے۔