منصوبہ بندی اور ترقی کے وزیر اسد عمر نے کہا ہے کہ وفاقی حکومت علاقے کی ترقی کیلئے گلگت بلتستان کی حکومت کے ساتھ مکمل تعاون کرے گی۔اسلام آباد میں گلگت بلتستان کے وزیراعلی محمد خالد خورشید سے گفتگو کرتے ہوئے انہوں نے گلگت بلتستان کے ترقیاتی بجٹ میں اضافے پر اتفاق کیا ۔انہوں نے علاقے کے ترقیاتی منصوبوں کیلئے حکمت عملی وضع کرنے کیلئے منصوبہ بندی کمیشن اور گلگت بلتستان کے منصوبہ بندی و ترقی کے محکمے کے افسروں پرمشتمل ایک مشترکہ ٹیم کی تشکیل پربھی اتفاق کیا ۔ملاقات کے دوران وزیراعلی نے وفاقی وزیر کو علاقے کی موجودہ صورتحال کے بارے میں تفصیلی بریفنگ دی ۔