بھارت کے غیر قانونی زیر قبضہ جموں وکشمیر میں مودی کی زیرقیادت بھارت کی فسطائی حکومت کی طرف سے نافذ کئے گئے کالے قوانین نے بھارتی فوج کو استثنیٰ کے ساتھ بے گناہ کشمیریوں کے خلاف طاقت کے اندھا دھند استعمال کا اختیار دیا ہے جس کا مقصد آزادی کیلئے کشمیریوں کے جذبات کو مجروح کرنا ہے۔آج کشمیر میڈیا کی سروس کی طرف سے جاری ایک تجزیاتی رپورٹ میں کہاگیا ہے کہ ان کالے قوانین کے تحت ہزاروں کشمیری بھارتی جیلوں میں پابند سلال ہیں ۔رپورٹ میں دنیا پر زوردیاگیا ہے کہ وہ کشمیریوں کے حقوق کیلئے آواز اٹھائے اور بھارت کو ان کے تمام بنیادی حقوق بحال کرنے پرمجبور کرے۔ادھر بھارت کے غیرقانونی زیرقبضہ جموں وکشمیر میں قابض حکام نے تھری جی اور فور جی انٹرنیٹ سروس پر عائد پابندی میں اس ماہ کی بائیس تاریخ تک توسیع کردی ہے ۔