فائل فوٹو
پنجاب کے گورنر چودھری محمد سرور نے ملک سے دہشتگردی کے خطرے کو ختم کرنے کیلئے قومی اتفاق رائے کی ضرورت پر زور دیا ہے۔
ہفتے کے روز لاہور میں صحافیوں سے گفتگو کرتے ہوئے انہوں نے حکومت کی جانب سے ہزارہ برادری کے ساتھ کامیاب مذاکرات کو خوش آئند قرار دیا۔انہوں نے کہا کہ ملک کے دشمن پاکستان میں دہشتگرد سرگرمیوں اور علیحدگی پسند عناصر کی پشت پناہی کر رہے ہیں۔گورنر نے کہا کہ حکومت اور حزب اختلاف کو دہشتگردی کے خلاف ایک جامع حکمت عملی تشکیل دینے کیلئے مل جل کر کام کرنا چاہیے۔
