صدر ڈاکٹر عارف علوی نے سرکاری ملازمین پر زور دیتے ہوئے کہا کہ وہ حکمرانی اور خدمات کے معیار کو بہتر بنانے پر توجہ دیں تاکہ عوامی مسائل موثر طور پر حل ہوسکیں۔

آج(بدھ) اسلام آباد میں نیشنل سکول آف پبلک پالیسی میں115ویں نیشنل مینجمنٹ کورس کے شرکاء سے خطاب کرتے ہوئے انہوں نے کہا کارکردگی اور اچھی حکمرانی کو بہتر بنانے کیلئے آئی ٹی کا استعمال کرتے ہوئے تیز تر فیصلے کرنے کی ضرورت ہے۔انہوں نے کہا کہ خواتین کو مالی طور پر بااختیار بنانے کی کوششیں کی جارہی ہیں اس کے ساتھ ساتھ اسلامی تعلیمات کے مطابق خواتین کو حق وراثت کی فراہمی بھی یقینی بنائی جارہی ہے۔