پاسبان حریت جموں وکشمیرنے جمعہ کو انسانی حقوق کے عالمی دن کے موقع پر کنٹرول لائن کے قریب ایک احتجاجی دھرنادینے کااعلان کیاہے۔ایک بیان میں پاسبان حریت کے چیئرمین عزیزاحمدغزالی نے کہاکہ احتجاجی مظاہرے کا مقصد عالمی انسانی حقوق تنظیموں کی توجہ بھارت کے غیرقانونی زیرقبضہ جموں وکشمیر کی بگڑتی صورتحال کی طرف مبذول کراناہے۔انہوں نے کہاکہ پوری ریاست کو قیدخانے میں تبدیل کردیاگیاہے جہاں ایک کروڑ بیس لاکھ لوگ خوف اورموت کے سائے میں زندگی گزار رہے ہیں۔انہوںنے کہاکہ ہزاروں کشمیری عوام بھار ت کی قیدمیں انتہائی کسمپرسی کی زندگی گزار رہے ہیں جنہوں نے بغیرکسی قانونی کارروائی کے گرفتارکیاگیاہے۔