پنجاب کے وزیراعلی سردار عثمان بزدار نے کہا ہے کہ صوبائی حکومت نے صوبے میں سرمایہ کاری کے فروغ کے لئے ساز گار ماحول فراہم کیا ہے۔
وہ فیصل آباد انڈسٹریل اسٹیٹ ڈویلپمنٹ اینڈ مینجمنٹ کمپنی کے چیئرمین میاں کاشف اشفاق سے گفتگو کررہے تھے جنہوں نے اتوار کے روز لاہور میں ان سے ملاقات کی۔
میاں کاشف اشفاق نے وزیراعلی کو علامہ اقبال انڈسٹریل سٹی فیصل آباد کے افتتاح کے حوالے سے انتظامات کے بارے میں بتایا۔
انہوں نے کہا کہ چین پاکستان اقتصادی راہداری منصوبے کے تحت یہ پہلا خصوصی اقتصادی زون ہے جس کا اس مہینے کی پچیس تاریخ کو افتتاح کیا جائے گا۔
