Wednesday, 20 November 2019, 07:46:16 pm
بین الاقوامی رحمت اللعالمینﷺ کانفرنس کے انعقاد کیلئے انتظامات کو حتمی شکل دیدی گئی
November 08, 2019

اتوارکو اسلام آباد میں بین الاقوامی رحمت اللعالمینۖ کانفرنس کے انعقاد کے لئے انتظامات کو حتمی شکل دے دی گئی ہے۔مذہبی امور کے وزیر نور الحق قادری انتظامات کی نگرانی کررہے ہیں۔دنیا کے مختلف ممالک سے آنے والے وفود کے خیرمقدم کے لئے تیاریاں مکمل کرلی گئی ہیں۔اس موقع پر نشر کرنے کے لئے ایک خصوصی دستاویزی پروگرام بھی تیار کیا گیا ہے۔سینیٹر فیصل جاوید نے ایک بیان میں کہا کہ وزیراعظم عمران خان کانفرنس کی تیاری میںخصوصی دلچسپی لے رہے ہیں۔انہوں نے کہا کہ وزیراعظم آنحضورۖ کی حیات طیبہ کے مختلف پہلوئوں اور تعلیمات کے بارے میں لکھے جانے والے تحقیقی مقالوں کی خود حوصلہ افزائی کریںگے۔انہوں نے کہا کہ وزیراعظم کانفرنس کی افتتاحی تقریب کی صدارت کریں گے جبکہ صدر ڈاکٹر عارف علوی اختتامی اجلاس کی صدارت کریں گے۔