خیبرپختونخوا کے گورنر شاہ فرمان نے کہا ہے کہ ان کی حکومت پولیو کےمرض پر قابو پانے کےلئے تمام دستیاب وسائل بروئے کار لارہی ہے۔
ایک نجی نیوز چینل سے گفتگو کرتے ہوئے انہوں نے عوام پر زوردیا کہ وہ انسداد پولیو مہم کو کامیاب بنانے کے لئے اپنا کردار ادا کریں۔
پولیو کے قطروں کے معیار، افادیت اور تحفظ پر اعتماد کا اظہار کرتے ہوئے گورنر نے محکمہ صحت سے کہا کہ پولیو کے خاتمے کی مہم کے مقررہ اہداف حاصل کرنے کےلئے مقامی لوگوں کو پولیو ٹیموں میں شامل کیا جائے۔