سندھ کے وزیراعلی سید مراد علی شاہ نے کہا ہے کہ صوبے بھر میں پینے کے صاف پانی کی فراہمی اور نکاسی آب کے نظام کے مسائل کو ترجیحی بنیادوں پر حل کیا جائے گا۔ انہوں نے یہ بات آج کراچی میں آر او پلانٹ سے متعلق اجلاس کی صدارت کرتے ہوئے کہی۔اس سے پہلے اجلاس کو بتایا گیا کہ صوبے میں دو ہزار دو سو اکسٹھ آر او پلانٹس کام کررہے ہیں اور سات سو اناسی آر او پلانٹس کو شمسی نظام پر منتقل کردیا گیا ہے۔وزیراعلی نے کہا کہ تھر کے عوام کو خوراک کی فراہمی اور دیگر مسائل کو بھی حل کیا جارہا ہے۔