سندھ میں حالیہ بارشوں سے پچیس لاکھ افراد ، دس لاکھ ایکڑ سے زائد اراضی پر کھڑی فصلیں او ر پندرہ ہزار دیہات بری طرح متاثر ہوئے ہیں۔
یہ بات سندھ حکومت کے ترجمان بیرسٹر مرتضی وہاب نے آج کراچی میں پریس کانفرنس میں کہی۔
انہوں نے کہا کہ متاثرہ علاقوں میں امدادی کارروائی جاری ہے اور وفاقی حکومت سے متاثرین کو معاوضے دینے کےلئے تعاون کی درخواست کی۔
انہوں نے امید ظاہر کی کہ وزیراعظم عمران خان کی جانب سے اعلان کردہ ترقیاتی پیکیج کے مثبت نتائج نکلیں گے اور کہا کہ وفاقی اور صوبائی حکومت شہر کی ترقی کےلئے مل کر کام کریں گی۔
