وزیراعظم عمران خان نے کہاہے کہ معاشرے کے مختلف طبقات میں امتیازی سلوک کے خاتمے کابہترین طریقہ یکساں نظام تعلیم ہے۔انہوں نے پنجاب کے نظام تعلیم میں اصلاحات کے متعلق جائزہ اجلاس کی صدارت کرتے ہوئے کہاکہ حقیقی ترقی صرف تعلیم کے ذریعے ہی ممکن ہے۔صوبائی وزیرتعلیم مرادراس نے پنجاب میں اصلاحات اورنئے منصوبوں کے بارے میں تفصیلی بریفنگ دی ۔وزیراعظم نے پنجاب حکومت کی طرف سے اساتذہ کی تربیت ،یکساں نظام تعلیم کے لئے کئے جانے والے اقدامات اورمتعلقہ قانونی اصلاحات کی تعریف کی۔انہوں نے سکولوں میں تمام ممکنہ سہولتیں فراہم کرنے کی ہدایت کی۔