غربت کے خاتمے اور سماجی تحفظ کے بارے میں وزیراعظم کی معاون خصوصی ڈاکٹر ثانیہ نشتر نے کہا ہے کہ حکومت احساس پروگرام کو مکمل طور پر ڈیجیٹل بنانے پر کام رہی ہے تاکہ فنڈز کی فراہمی اور انتظامات میں شفافیت کو یقینی بنایا جاسکے۔وہ آج نیویارک میں اقوام متحدہ کے معاشی و سماجی امور کے محکمے کے انڈر سیکرٹری جنرل Liu Zhenmin سے گفتگو کر رہی تھیں۔انہوں نے کہا کہ احساس پروگرام کو ملک اور بیرون ملک سماجی تحفظ کا ایک اہم پروگرام تصور کیا جاتا ہے جس پر چونتیس اداروں کے ذریعے عملدرآمد کیا جا رہا ہے۔