فلسطین نے اقوام متحدہ کے تعلیمی سائنس اورثقافتی ادارے کی ان تازہ قراردادوں کا خیرمقدم کیاہے جن میں اسرائیلی اقدامات سے فلسطینی ثقافتی ورثے کے مقامات کوتحفظ دینے کامطالبہ کیاگیاہے۔
تنظیم آزادی فلسطین کی رکن حنان اشراوی نے ایک بیان میں کہاکہ مغربی کنارے میں فلسطینی ثقافتی ورثے کے مقامات کے خلاف اسرائیل کی بڑھتی ہوئی کارروائیوں کے دوران یہ فیصلہ اہمیت کاحامل ہے ۔
انہوں نے کہاکہ ان قراردادوں میں ان تاریخی مقامات کے خلاف اسرائیل کی خطرناک اور غیرقانونی کارروائیوں کی روک تھام کی ضرورت کااعادہ کیاگیاہے۔
ادھرفلسطینی وزیرخارجہ ریاض المالکی نے ایک بیان میں یونیسکوسے مطالبہ کیاکہ وہ فلسطینی ورثے کے خلاف کارروائیاں روکنے کے لئے اسرائیل پردبائوبڑھائے۔